منتدى هواة الشبكات اللاسلكية  

العودة   منتدى هواة الشبكات اللاسلكية > أقسام المنتدى > جديد الشبكات اللاسلكية والأجهزة

إضافة رد
 
أدوات الموضوع انواع عرض الموضوع
  #1  
قديم 03-05-2011, 06:32 PM
امام. امام. غير متواجد حالياً
(موقوف)
 
تاريخ التسجيل: Jun 2010
المشاركات: 3,092
افتراضي picostation m2HP

بسم الله الرحمن الرحيم

اصدقائي واخواني زي ما تحدثت من قبل عن اليكوستيشن هايبور لاول مره في المنتديات العربيه وهو اصغر واقوى اكسيس بوينت اوتدور في العالم حتى اصبح من الاكسيسات المطلوبه في السوق وبدا ينتشر بكثره لكل من هو مقبل على عمل شبكه لاسيلكيه
بقدملكم جهاز جديدقد يكون الاكسيس الافضل في السوق لشبكات الهوتسبوتس قليله المدى كثيرة اليوزرس الفتره القادمه

نبدا على على بركة الله

الجهاز في الموقع الرسمي
http://www.ubnt.com/picostationm

مواصفات الجهاز في الموقع

http://www.ubnt.com/downloads/datash...icom2hp_DS.pdf


اسم الاكسيس
picostattion m2
الجهاز من انتاج الشركة الامريكيه
ubiquiti
وهو يعتبر اصغر اكسيس بوينت اوتدور في العالم
هو بحجم الاكسيس بيكوستيشن هايبور حجمه ووزنه اقل من حجم ووزن البوليت
ولكنه يحوى ***انيات جباره لن تصدق ان هذا الحجم الصغير يحوي في داخله مارد بكل ما تحمله الكلمه من معنى

الجهاز
ياتي زي اخوه البيكوستيشن هايبور ياتي بكل ما تحتاجه ومش هتحتاج غير كابلات الباور واللان تحتوى العلبه على
الاكسيس بوينت بيكوستيشن ام
وتحتوي العلبه على انتنا اوتدور 6 دي بي
ووسائل التثبيت
والباور اوفر ايثرنيت مع كابل الباور

ناتي للمواصفات الفنيه
الجهاز يحتوي على بروسيسور 400 ميجا هيرتيز مقابل 180 في البيكوسيتشن العاديه
ورامات 32 ميجا بايت
ويحتوي على فلاشه 8 ميجا بايت
خرج البور الخاص بالجهاز 600 ملليوات مع قوة غير مستقره تصل الى 1000 ملليوات
والان الميزه التي قد تكون فارقه عن اغلب اجهزة الام
الجهاز حساسيته على المود
G
-97dbm
وده معناه ان الاتصال على المود
G
هيبقى قوي جدا بمعنى مسافات مع سرعات عاليه وده ما كانش متوفر في البوليت ام لان حساسية الاستقبال على هذا المود قليله ولذلك ما كانش بيدي مسافات كبيره على المود
G

انا بتكلم بكل تاكيد عن المودات
G,N,B
لو هتعمل شبكه بالمود
B
يبقى افضل استخدام الاجهز العاديه زي البوليت اتش بي والبيكوسيتيشن اتش بي
وطبعا المود ده اخره الربط بسرعة 11 ميجا بالثانيه مع سرعة ثروبوت فعليه اقل من 8 ميجا بالثانيه (يعني ما تتوقعش تنقل انترنت بسرعة 8 ميجا ويصل بالسرعه الكامله حتى لو بتجرب جوه بيتك وهثبتهالكم ان شاء الله )
وده لان البوليت اتش بي او البيكوستيشن اتش بي قوتها القصوى على المود
B
29دي بي ام يعني 800 ملليوات وتصل الى 1000
اما لو هتتعامل مع المود
G
القوة 28 دي بي ام يعني 600 ملليوات وتصل الى 800 ملليوات
يعني المدى هيبقى اقل
الاجهزة من الفئه ام قوتها واقصى حساسيتها في المودين
G,N قوتها 28 دي بي ام
والبيكوسيتشن ام بالذات الان باعلى حساسيه في المود
G يعني اعلى من البوليت اتش بي والبيكوستيشن اتش بي على هذا المود وبالتالي هيشتغل افضل على هذا المود من الاجهزة العاديه
و المود
N
في نفس الوقت اعلى حساسية تصل الى -97دي بي ام وطبعا مش موجود في الاجهزة العاديه
يعني توقع مدى كبير مع سرعة في الداتا في نفس الوقت على المودين G,N
الثروبوت على المود
G
يصل الى 30 ميجا بالثانيه يعني يقدر الجهاز يتعامل مع داتا ريت عاليه جدا وبقوة اعلى من اي جهاز من الفئة العاديه
طبعا لو استخدمنا المود
N
الثروبوت الفعلي بيعدي 100 ميجا بالثانيه
دي اساسيات الجهاز
والجديد عن البيكوستينشن هايبور العاديه
هو قدرة البيكوستيشن ام 2 على التعامل مع المود
N
بسرعة اتصال لاسيلكي تصل الى 150 ميجا بالثانيه
مع خاصية
AIRMAX
طيب السؤال اللي بيدور في دماغ كل الناس
المدى
والاجابه
مدى الجهاز بكل تاكيد اعتقد هيكون مش كبير اوي بالمقارنه بالبوليت هايبور والبوليت ام بانواعه لان هذه الاجهزة البيكوستيشنت معموله للهوتسبوتس يعني اتصالات لاسيلكيه كثيره في منطقه محدوده وده اللي بيخلي الشركه تقول ان مدى الجهاز اكثر 200 متر اندور واكثر من 500 متر اوتدور وما قاليتش انه بيصل لكذا
بس
توقع مدى كبير بالمقارنه بالبيكوستيشن 2 هايبور يعني الفرق مش هيبقى كبير وهيبان بالتجارب العمليه لان المدى ده بالذات بيعتمد على ا***ان اللي بتجرب فيه
ولاحظ ان الجهاز مميز في حساسية الاستقبال ودي معناها مدى كبييير
لان مدى او مسافة الارتباط بتعتمد على قوة الجهاز وحساسيته في نفس الوقت
الجهاز زي ما احنا شايفين يشتغل اندور واوتدور في نفس الوقت لان حجمه صغير حتى الشركه مديانا المدى اندور واوتدور
بس هو مجهز للعمل اوتدور يعني هيتحمل كل الظروف الجويه
طيب سؤال تاني
عدد العملاء اونلاين
والاجابه
عدد العملاء اونلاين زي ما الشركه بتقول
لو هتستخدم المودين
B,G
هتحول
ال
CHANNEL WIDTH :20 مش شرط
AIRMAX ISABLE شرط اساسي
كده الجهاز بيتحمل حتى 35 اتصال لاسيلكي زي البيكوستيشن العاديه

طيب الميزة اللي مش موجوده في البيكوستيشن هايبور العاديه
هي ميزة ايرماكس المستقبليه
يتحمل الجهاز حتى 60 اتصال لاسيلكي مع الاجهزة المشابهه فئة ام
وعشان تشغل هذه الميزة
CHANEL WIDTH :40 مش شرط
AIRMAX :ENABLE
دي المعطيات بتاعة الشركه ومش شرط تكون ناجحه 100% في كل البيئات والشبكات والمناطق
فيه نقطه مهمه يا جماعه احب اضيفها في حتة تحمل العملاء
الشركه بتتكلم عن اتصالات من خلال اجهزتها مع بعضيها يعني مش اجهزة UBIQUITI مع اي اكسيسات تانيه زي التي بي لينك وخلافه حط دي في فكرك لما تيجي تقول الجهاز مش بيربط الا على اشاره كذا او مش بيتحمل عدد عملاء كذا وتيجي ترمي العيب على الجهاز الخاص بالارسال
لازم عشان تحصل على شبكه مثاليه توحد ماركة الاجهزة المستخدمه في الارسال والاستقبال
يعني مثلا انا لاحظت ان لما تيجي تشغل ربيترات على البوليت بانواعه
بيعلى البينج لما تكون الربيترات دي انواع تانيه يعني مثلا جربت مره 2 ربيتر واحد بوليت على بوليت ارسال البينجات 1ملليسكند على اي بي الراوتر لاسيلكي باستخدام لابتوب لما دخل الربيتر الثاني اكسيس الفا هايبور بقت البينجات رقمين تلاته من غير تحميل يعني اتصال بس
والتجربه كانت بوليت ام تو ارسال وبوليت اتش بي ربيتر واكسيس الفا هايبور ربيتر تاني
يعني بقدر المستطاع قلل الربيترات وشغل الاجهزة بريدج او استقبال وانت وحظك بقى الاكسيس هيتحمل قد ايه من العملاء بيعتمد على توافق الاجهزة المستقبله مع البيكوستيشن ام2 اما لو هتستخدم اجهزة الشركه نفسها للاستقبال الدنيا هتكون اقرب للمثاليه اللي هيه 35 يوزرس
تاني حاجه الربط من مسافات بتلاقي بعض الاكسيسات تربط على اشاره ضعيفه وانواع تانيه مش بتربط الا لو الاشاره عاليه دي برضه سببها عدم التوفق
يعني لينا زميل في المنتدى مشغل بيكوستيشن ربيتر لبيكوستيشن تانيه والمسافيه بين الجهازين 3.5 كيلو والاشاره ممتازة والبينجات ممتازه
جيبيلي بقى اكسيس تي بي لينك وحاول تربط على المسافه دي اواقل شويه مش هيربط جيب اكسيس الفا يربط على المسافه دي بس كلاينت مش ربيتر اعتقد هيربط بشكل افضل
اقصد كل جهازلما تيجي تتصل لاسيلكيا بجهاز تاني لو نفس النوع هيدي نتائج افضل وهيضبط معاك لو مش نفس النوع توقع كل هذه المشاكل بينجات وضعف اتصال وممكن يربط وعلى اشاره ضعيفه على حسب توافق الهاردوير والسوفتوير
وعلى فكره اللي ليه دخل في الموضوع ده نوع السوفتوير والبروسيسور بشكل اساسي
شركة يو بيكويتي الامريكيه شغلها كله بالبروسيسورات اثيروس
يعني لو عندك اكسيس فيه البروسيسور ده والسوفتوير بيدعم المودات المختلفه اللي في السوفتوير بتاع الAIROS توقع توافق بين الجهازين وانهم هيشتغله مع بعض افضل من اي جهاز مختلف

في نقطه مهم جدا لم تكن واضحه في البيكوستيشن 2 هايبور وغلطه في مواصفات الجهاز في الشركه البيكوستينش 2 هايبور راماتها 16 وفلاشيتها 4 ميجا بايت
البيكوستيشن 5 هيه اللي راماتها 32 وفلاشتها 8
والكلام ده انا عرفته بالصدفه البحته بالرغم ان الشركه مش موضحاه

طبعا الجهاز يعمل بسوفتوير AIROS V5 والسوفت وير ده كثير التطوير الصراحه كل يوم من غير مبالغه في جديد من ضمن المميزات اللي فيه ميزة
AIRVIEW ANALISYS
ودي اداة مخصصه لتحليل الموجات والطاقات الكهروماغناطيسيه في المنطقه
يعني بتديك داتا عن القنواة المستخدمه والاشارات اللاسيلكيه وكثافات الموجود المستخدمه وحاجات كتير بتخليك تختار افضل ضبط ممكن من خلال التشارتات او الرسم البياني اللي هيدهولك الجهاز وطبعا هتحتاج حزمة جافا بالاضافه لبيكوستيشن ام 2

التجارب العمليه للجهاز
انا ركبت المحطه الرئيسيه عندي بيكوستيشن ام 2 وهيه على عماره 13 دور
وعندي يوزرس كتير والحمد لله كبدايه عندي لابتوبات وكروت الفا واكسيسات للاستقبال
وتجربه ان شاء الله هتعجبكم جهاز استقبال جديد اعتقد هيثير الجدل لان شركة يوبيكويتي دخليت اللعبه وبتناطح شركة الفا في الاستقبال واقصد بكده اقوى كرت استقبال في العالم كرت الفا وهعملكم مقارنه فعليه بين الجهازين ان شاءالله تعجبكم
رد مع اقتباس
  #2  
قديم 03-05-2011, 06:37 PM
الصورة الرمزية سيف الأقصى
سيف الأقصى سيف الأقصى غير متواجد حالياً
فني شبكات محترف
 
تاريخ التسجيل: Mar 2011
المشاركات: 703
افتراضي

تسلم على المجهود وموفق بإذن الله
رد مع اقتباس
  #3  
قديم 03-05-2011, 06:40 PM
امام. امام. غير متواجد حالياً
(موقوف)
 
تاريخ التسجيل: Jun 2010
المشاركات: 3,092
افتراضي

شكرا سيف الاقصى شرفنى وجودك
رد مع اقتباس
  #4  
قديم 03-05-2011, 06:57 PM
شبابي شبابي غير متواجد حالياً
فني شبكات محترف
 
تاريخ التسجيل: Dec 2010
المشاركات: 5,002
افتراضي

جزاك الله خير اخي امام

في انتظار المقرانة مع شكري لك
رد مع اقتباس
  #5  
قديم 03-05-2011, 07:02 PM
الصورة الرمزية رقم المميز
رقم المميز رقم المميز غير متواجد حالياً
فني شبكات محترف
 
تاريخ التسجيل: Dec 2010
المشاركات: 1,883
افتراضي

بارك الله فيك
رد مع اقتباس
  #6  
قديم 03-05-2011, 07:15 PM
احمد مؤمن احمد مؤمن غير متواجد حالياً
فني شبكات محترف
 
تاريخ التسجيل: Dec 2010
المشاركات: 836
افتراضي

شكرا على المعلومات عن الجهاز بس من الوكيل المعتمد فى مصر ؟؟؟؟؟؟؟؟؟؟؟
رد مع اقتباس
  #7  
قديم 03-05-2011, 07:25 PM
السمار السمار غير متواجد حالياً
شبكي نشيط
 
تاريخ التسجيل: Mar 2011
المشاركات: 41
افتراضي

جزيتم كل خير عما قدمتم

ان
رد مع اقتباس
  #8  
قديم 03-06-2011, 04:42 AM
امام. امام. غير متواجد حالياً
(موقوف)
 
تاريخ التسجيل: Jun 2010
المشاركات: 3,092
افتراضي

الشكر لله شبابى
رد مع اقتباس
  #9  
قديم 03-06-2011, 04:43 AM
امام. امام. غير متواجد حالياً
(موقوف)
 
تاريخ التسجيل: Jun 2010
المشاركات: 3,092
افتراضي

اسعدنى مرورك رقم المميز
رد مع اقتباس
  #10  
قديم 03-06-2011, 04:44 AM
امام. امام. غير متواجد حالياً
(موقوف)
 
تاريخ التسجيل: Jun 2010
المشاركات: 3,092
افتراضي

لا وكيل معتمد
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:39 AM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd. - e15a
جميع مايطرح في المنتدى لا يعبر بالضرورة عن رأي إدارة المنتدى، وإنما يعبر عن رأي كاتبه فقط