يا جماعة في حاجة مهمة الناس نسياها
اي حد هيعملك شبكة في بداية الامر هتكون الدنيا معاك وردية والنت زي الفل وهو بيجربلك
وبعد معدد العملاء يزيد والكونكت على الشبكة يكتر هتبتدي المشاكل وتشوف الشبة بمنظور آخر
اولا حاول ان حمل الشبكة يكون مقسم على اكتر من اكسس بوينت
قدر ال***ان تكون شبكتك كلها اكسيسات وكروت ويواس بي من نفس الماركة
ثانيا احب اوضح حاجة قبل ما نبدأ

1 - كلمة اكسس بوينت او ap
تعني ان المحطة بتاعتك تقوم بإرسال اشارة لاستقبالها على محطات اخرى او كروت

2 - كلمة كلاينت Client
تعني ان المحطة تقوم بإستقبال الاشارة من محطة رئيسة او ربيتر

4 - ad hoc
الشبكات الخاصة اي ان كل من الكارت او الاكسس بهذا النظام تقوم محل الااكسس الرئيسية اي لو ان هناك 10 محطات ad hoc سوف ترى واحدة فقط ما دمت مرتبط بها وتكون هي الاقوي في الاشارة وكل اكسس منها تعتبر وحدة ارسال ولا يمكن الاتصال
الا لو كنت على نظام ad hoc ايضا

5 - بريدج Bridge
وهي تعني كوبري ومحطتك في هذة الحالة لن تراها - في اغلب الاكسيسات - سو ا
بإدخال الماك ادريس حقها لديك وادخال الماك اردريس حقك لديها اي لا تكون مرئية في
حالة عمل بحث عن الشبكات مثلها مثل خاصية ال wds تماما
ولكن في بعض الاكسيسات تعمل بطريقة مختلفة وترى الاشارة عادي وكونكت عادي
وتستخدم فيها هذه الخاصية بدلا من wds+ap
اي ربط المحطات الاخرى - ما عدا الكلاينت - بالماك ادريس مع ***انة بث الاشارة

6 - wds
مثلها مثل البريدج تربط المحطات الاخري بالماك ادريس ولا ترى اشارتها عند عمل بحث
على الشبكات المتاحة

7 - wds+ap
ربط المحطات الاخرى - ما عدا الكلاينت - بالماك ادريس مع ***انة بث الاشارة

8- الربيتر Repeater او wds Repeater
تعمل كمكرر للاشارة اي تستقبل ثم ترسل الاشارة مرة اخرى ويشترط ربط الربيتر
بالمحطة الرئيسية عن طريق الماك ادريس

9 - يونفرسال ربيتر Universal Repeater
مككر الاشارة العالمي وهو لا يشترط الماك ادريس للربط وتكرار الاشارة فقط اسم
الشبكة وقناة التردد ويمكن تكرار الاشارة باسم شبكة مختلف ( لا توجد في جميع الاكسس بوينت )


اعمل حسابك ان الاكسس الرئيسية عليها عامل مهم جدا
وهحاول من خلال تجاربي اقدملك حلول بسيطة

افضل اكسس في التقاط الاشارة هتلاقيها دي لنك 2100
بس مش معنى كدة انها هتشتغل نت كويس
هي اشارتها ممتازة وبتبينلك ان الشبكة حلوة بس ***انة ربطها بالشبكة ضعيفة الا لو كانت الاكسس الرئيسية دي لنك برضة
بس للعلم عدد العملاء لو دي لنك 2100 رئيسية بيبقى محدود اما لو نوع افضل زي 2700 يبقى ممتاز بس سعرها نار
وفية مشكلة في الديلنك 2100 لما بتبقى كلاينت في الغالب بتشغل عميل واحد بس
وبتبقى كويسة لكن لو طلعتها على سوتش لكذا عميل مش هتنفع غير لما تعملها يونفرسال ربيتر - الخاصية دي مكنتش موجودة قبل كدا - او wds او wds Repeater
سعر الدي لنك 2100 ( 320 )
سعر الدي لنك 2700 ( 3200 )
سعر الدي لنك 8200 ( 800 )
ملحوظة توجد هذه الاسعار في سوق العصر والسخاوي
ملحوظة اخرى الدي لنك 2100 يوجد منها 108 ميجا في الثانية
يوجد كروت دي لنك هاي بور 23 دي بي بـ ( 260 ) جنية في سوق العصر
تعمل كأكسس بوينت وكلاينت و wds و wds+ap ويونفرسال ربيتر

افضل اكسس في عمل كونكت وربط مهما كانت الاشارة ضعيفة هي الايرليف 5460 وبتعمل يونفرسال ربيتر ممتاز بس عيبها العدد المحدود من العملاء اللي بتقدر تربط عليهم
لكن هي ممتازة في شغلها بس نصيحة رقى الفريم وير الجديد e14 هيخليها تمام ان شاء الله
سعر الايرليف 5460 ( 340 )
يوجد كروت اير ليف 125 ميجا بـ ( 120 )
يوجد يو اس بي اير ليف 125 ميجا بـ ( 120 )
هذه الاسعار توجد في سوق العصر والسخاوي
تعمل كأكسس بوينت وكلاينت وربيتر ويونفرسال ربيتر وجتواي و wisp وينفرسال ربيتر +wisp
wds
يمكنها ربط 8 محطات في الــ wds
والله المحطة دي بتعمل كونكت على سجنال اقل من 10 وبتعمل يونفرسال ربيتر على
سجنال اقل من 15

الاكسس نتجير wg602
يمكن اتصال 64 عميل عليها في نفس اللحظة
لها القدرة على فلترة العملاء بالماك ادرس حتى 255 عميل
54 ميجا
ثبات واستقرار في العمل
تحتاج الى فصل التيار الكهربي عنها او عمل رستارت لها كل 24 ساعة في اغلب الاحيان - طبعا الشتاء يختلف عن الصيف.
ثمنها في سوق العصر والسخاوي 350 جنية
الاصدارات الجدية لا توجد بها خاصية الكلاينت
تعمل كأكسس بوينت وبوينت تو بوينت وبوينت تو مالتي بوينت


للموضوع بقية ان شاء الله

ارجو التثبيت

موضوع جميل بس مفيش ادارة علشان تثبت الموضوع

بقية الموضوع
اكسس بوينت نتجير wg102
يمكن اتصال 64 عميل في نفس اللحظة
لها القدرة على فلترة العملاء بالماك ادرس حتى 255 عميل
108 ميجا
ثبات واستقرار في العمل
تحتاج الى فصل التيار الكهربي عنها او عمل رستارت لها كل 24 ساعة في اغلب الاحيان - طبعا الشتاء يختلف عن الصيف.
ثمنها في سوق العصر والسخاوي 800 جنية
لا توجد بها خاصية الكلاينت
تعمل كأكسس بوينت وبوينت تو بوينت وبوينت تو مالتي بوينت
مميزاتها عن النوع السابق
يوجد بها فلتر مواقع ورابط هوت سبوت
اكثر ثباتا واعلى اشارة بكثير وجيدة جدا في حالة العمل مع انتينا بدون امبليفير

عيبها القاتل
احيانا يفشل عمل اتصال معها في وجود الامبليفير


اكسس بوينت نت جير wag102
يمكن اتصال 128 عميل في نفس اللحظة
لها القدرة على فلترة العملاء بالماك ادرس حتى 255 عميل
108 ميجا
ثبات واستقرار في العمل
تحتاج الى فصل التيار الكهربي عنها او عمل رستارت لها كل 140 ساعة - طبعا الشتاء يختلف عن الصيف.
ثمنها في راديو شاك ( 1800 جنية منذ ثلاث شهور )
لا توجد بها خاصية الكلاينت
تعمل كأكسس بوينت وبوينت تو بوينت وبوينت تو مالتي بوينت
يوجد بها فلتر مواقع ورابط هوت سبوت اقوي من النوع السابق
يوجد بها تحديد للباندوث لكل عميل على حدا ( ماك ادريس ) او لكل العملاء
الامان فيها عالي جدا فهي تحتوي تقريبا على جميع بروتوولات الحماية
يوجد بها 2 انتينا
الاكسس 100 ملي وات

عيبها القاتل
احيانا يفشل عمل اتصال معها في وجود الامبليفير

للموضوع بقية ان شاء الله

شكرا على مرورك يا محمد

اية يا جماعة
شكل الموضوع ممل

محدش عبرني غير محمد فيصل
شكرا ليك يا محمد

الف شكر ياباشا على المجهود الرائع دة بجد وياريت يتثبت لكى تعم الفائدة

انا مش عايز منك غير حاجه وحده بس ايه الاكسس اللى يضمنلى انه يستحمل 100 عميل من غير ما يهنج بس ياريت تفدنى بتمنى من ربنا بجد انك تفدنى وفى نفس الوقت ان الاكسس ده يكون بيعلى الاشاره علمنا بانى عندى شبكه مكونه من نقطه الف وباء على بعد عشره كيلو فى المنوفيه من مركز به نت الى قريه مفهاش نت ؟؟؟؟؟؟؟؟ارجوك تفدنى بجد اصل انا زهقت من كتر الكلام الكتير والله بتاعن ناس هنا ربنا يهديها عرفت انا عايز ايه ؟؟؟انا عايز نوعيه اكسس تتحمل 100 عميل وتقوى اشارتى من 25 الى 35 على الاقل ارجوك ساعدنى علشان يمكن اغير كلامى واقول ان الدنيا لسه بخير ؟؟؟؟؟ واقسم بالله العظيم لو افدتنى هيبقى اللى انتى عملته جميله فى رقبتى طول عمرى ؟؟؟؟انا مش لاقى اى كلام تانى اقوله ربنا يقدرك وتقدر تساعدنى ؟؟؟ وياريت اعرف اسمك

السلام عليكم
اولا اخوك محمد اسامة
ثانيا مفيش اكسس بوينت واحدة في مصر بتشيل 100 عميل غير الدي لنك 2700
ودي تمنها 3200 يعني غاااااااااااااالية جدا
او النتجير wag102 بس فيها عيوب وطبعا الحوت نتجير wag302 بس غالية قوي بحوالي 3300 في راديو شاك
لو ليك حد برة يا باشا ممكن يجبلك اير ليف اوت دور 400 مللي وات مع انتينا سكتور 14 دي بي
120 درجة
ا***توب في المنول بتاع الشركة ان دي سبورت 200 يوزر وبالانتينا دي بترمي 21 كيلو
يعني ان شاء الله هتظبط شغلك
انا مش بقول ان الايرليف الاوت دور هتكون ارخص
لا بالعكس
لكن هتوفرلك امبليفير لانها بترمي مسافه مهولة
وعموما في ناس قالت ان الميكروتك خيار مثالي
لكن مع التجربة والله مش بيكون مثالي الا لما تكلف 3 كروت اكس ار تو مع روتر بورد الميكروتك
والطريقة دي لما جربتها للأسف كان بيطلعلي في اللوج لو بور ذا بور از لو
يعني الكهرباء غير كافية لذلك لم يظبط معي ولكن لم اهتدي لطريقة تجعل الكهرباء كاملة للكروت
حتى بالبور المباشر بدون الاوفر ايثر نت بور
المهم يا باشا في نانو استيشن وبور استيشن
لكن والله ما جربت منهم شيء
انا بقول اللي جربته فعلا
الحل المثالي ليك انك تركب ربيترات حتى تصل الى النقطة المراد البث ليها
واكرر ربيتر وليس يونفرسال ربيتر
هي صحيح هتكلفك لكن تضمن بيها ان شاء الله اعداد كويسة بدون التحميل على البرج الرئيسي
بس فعلا فعلا لا انصحك بــ مسافة عشرة كيلو الا لو ان نقطة الاستقبال بها
انتينا سكتور للاستقبال ( لم اجرب ) او انتينا اومني 15 مع اكسس بوينت الفا هاي بور
وتعيد بث الاشارة بعدة اكسيس بوينت متفاوتة القوة والانتينا وذلك لتوزيع الحمل على الاكسيسات
وعدم التهنيج
الربط بين الاكسس الرئيسية التي تبث الاشارة وبين المستقبلة تكون بوينت تو بويت بريدج
لكي لا تهدر الطاقة في البث في كل الاتجاهات
ان يكون السرفر بعد نقطة البث ( عند نقطة الاستقبال )
ويخرج النت الى الاكسيسات المرسلة بعد نقطة الارسال
والله الموفق