يا استاذ اسلام انت عاوز تعمل اية بالظبط فهمنا يعنى
انت شويه تقول
اريد 3انتينا سيكتور 20ديبي هايبرلينك بزاوية 120 درجة
3كروت xr2
3كونفيرت لتركيب الكروت على كيسة كمبيوتر للتواصل
الهاتف:0127788582
الاميل:eslam_hamdy70@yahoo.com

وشويه تقول انا عاوز شبكه تعطى 12 كم بدون روتر بورد
هوة انت هاتقول اية اللى يركب ويجيب كام كمان طب ما تعملها انت مادمت انت عارف انه الاكس ار تو مع الهايبر لينك يجيب كدا اعملها وخلاص بنفسك بدل ما تكلف نفسك كل التكلفه دى وواحد ينزل ويركبلك الشبكه وياخد منك فلوس

-----------
شوف يا استاذ اسلام انت لو فعلا عاوز تعمل شبكه تغطى معاك 12 كم ما تقولشى تركب ايه تسيب اللى فاهم فى المجال يقول اية اللى يركب على شان ما تعملشى زى الناس اللى عملت كدا قبلك وفشلت الشبكه معاهم
وما تحاولشى تقلد حد فى حاجة هوة عاملها لو واحد عامل شبكه وانت شايفها حلوة وعاجباك وقالك على نفس المواصفات دى يبقا كداب لانوا المواصفات دى يوم ما هتجيب اشارة مع الاكس ار تو هيا ال 10 كم بالعافيه كمان على شان تسميها شبكه انترنت ومستقرة لكن لو فعلا عاوز تكسر ال 10 كم وتطلع اكتر لل 15 كم كمان
يبقا تركب مكبر توزيع داخلى عليها هاتحتاج مكبرات indoor واحد وات من نوع نضيف على شان يقدر يشغل السيكتور ويظهرلك عمل السيكتور ما تركبشى عليه حاجة 600 ملى مهما كانت نوعها او ماركتها
لو حابب تشوف حاجة زى كدا انا مركب سيستم 3 سيكتور هايبر لينك 20 دى بى 120 درجه فى جرجا بسوهاج عند واحد من سنه كدا
وشغاله معاة حوالى 18 كم
ومركبله روتر بورد ومش واحدة بس انا مركبله 3 روتر بورد 433 اية اتش وكل بوردة عليها كارت ألفا واحد وات امريكى مش تايوانى
والراجل مبسوط وشغاله معه تمام لكن اكس ار تو هيا 10 كم مش اكتر
وعلى فكرة السيكتور مش اى حد بيركبه هوة مش انتينا امنى هاترفعه على ماسورة وخلاص
بيكون فيه برج ثلاثى او رباعى بيتصمم للسيكتور
وليه طريقه فى التركيب واظن مش كتير يعرفها

عموما لو حبيت تركب سيكتورات ما تدورشى على هايبر لينك لانوا ماحدش هيجيبلك هايبر لينك
يوم ما هايبيعلك السيكتور الواحد هايبيعه ب 3500 جنيه الواحد
ولكن فيه سيكتورات تايوانى زيها زى الهايبر برضوا والواحدة بتعمل 1500 جنيه يعنى الطقم كله 4500جنيه
لو حابب تنفذ كلمنى